!::! ..:: محسن الحمري ::.. !::!

قرّرت أصك القلب بالشمع الأحمر
واكتب على الأبواب‮ ‬يُمنع دخوله

وابرمج احساسه برقمٍ‮ ‬مشفّر
أخطر‮ '‬هكر‮' ‬مايخترقه بْسهوله

واحميه قبل‮ ‬يصير قلبٍ‮ '‬مهكّر‮'!!‬
من شان ما‮ ‬يعشق ويسهر ويوله

لنّ‮ ‬العشق في‮ ‬هالزمن صدق‮ ‬يقهر
ناس تحب وناس ماهي‮ ‬بحوله

في‮ ‬هالزمان الحب سهمه تحدّر
صار الوفا نادر ويصعب حصوله

ناس تخون وناس بالغدر تفخر
كلٍ‮ ‬يبي‮ ‬يحـظى بدور البطوله

امحق بطوله‮..تجعل الناس تُجبر
تْخون هـاويها وتقبض عموله

حتى الخوي‮ ..‬لي‮ ‬من تعب أو تعثّر
ينصا أخوه ولايلاقيه حوله

كلٍ‮ ‬بحب الذات لاهي‮ ‬ومغتر
لجل المصالح‮ ‬يهدم اللي‮ ‬يطوله

وش لون نبغى الحب‮ ‬يكبر ويكبر
ما دام فينا خـاينٍ‮ ‬في‮ ‬ميوله

وش لون نبغى الكون هذا‮ ‬يُعمّر
ما دام كل شلّه مسوين دوله

لا حب‮.. ‬لا إخلاص‮.. ‬لا شي‮ ‬يُذكر
ماغير حقد وغلّ‮ ..‬تجرف سيوله

نلقى الخيانه بالف منظّر‮..‬ومنظّر
الذل،‮ ‬لاستعباد،‮ ‬قتل الطفوله

عالم شبه‮ ‬غابه‮ ..‬عجزت آتصوّر‮:‬
الأخ‮ ‬ينهش لحم أخوه بْسهوله‮!!‬

عمّ‮ ‬الفساد الأرض‮..‬والقادم أخطر
ما‮ ‬غير ندعي‮ ‬ربنا أنّه‮ ‬يزوله

حتى الحبيب لوصل خله تعذّر
من بعد ما كان‮ ‬يْتمنى وصوله

ما عاد فاضي‮ ‬لك نســى أو تكبّر
والدمع من عينك‮ ‬يواصل هطوله

حتى القمر ما عاد له نفس‮ ‬يظهر
لنّ‮ ‬بسمانا الغدر قد حل زوله

والقلب من بعد الليونه تحجّر
ما هو بمن جا الحين‮ ‬يقدر‮ ‬يطوله

جرّب‮ ‬يحب ويسهر الليل‮ (‬يشعر‮)
ما نال‮ ‬غير اللي‮ ‬المفارق‮ ‬ينوله

نال الشقا نال العنا نال‮.. ‬وأكــثر
نال العذاب الين بيّن نحوله

يا سامعيني‮ ‬هاتوا الشمع الأحمر
لنّي‮ ‬عجزت أوصّل اللي‮ ‬بقوله‮!!

‬

يا "غلاي" الوصل بغصوني نضج
أسألك بالله ما حان الجنا

اقطفي منّه بلا خوف وْ حرج
قبل يتساقط ويتلف مننّا

دانية اغصان قلبي والمهج
اقطفيها عشق ووصال وهنا

في عروقي الدمّ يتوهج وهج
كل عرق يقول ذا يوم المُنى

صارت الاشواق في حالة هرج
كل شوق يصيح بك "نَحْنُ هُنا" ـ

حتى نبض القلب يرقص مبتهج
والحنايا تنحي لك يا (...)! ـ

صرت..احس القلب من صدري خرج
لا شعرت بموعد اللقيا دنا

ما يهم ان كنت منك منزعج
دام لا جيتي هنا.. راح العنا

ما بقى لك يا "الغلا" عذر وحجج
ما بقى للصبر بعيوني سنا

اقطفي حبي بلا خوف و حرج
ثم ذوقيني..هنيا لك انا

لا متى والوصل بغصوني نضج
اسألك بالله ما حان الجنا

يا قلب يكفي لي متى هـالسذاجه
ما من ورا هالطيب الا وجع راس

ضحيت بالغالي ولا نلت حاجه